Meriendang Pinoy, Tatak Pinoy.

Tayong mga pinoy ay nakasanayan na ang pagkain sa hapon, para mapawi ang pagod at magkarga ulit ng lakas para sa pagpapatuloy ng kayod mapatrabaho man o mapaeskwela. Maraming  klase ng pagkain ang mga Pilipino na napagsasaluhan sa  tuwing merienda time na. minsan pa’y nakadependa pa sa sitwasyon ng panahon kung ano ang kakain natin. At ito ang mga halimbawa ng mga merienda na pinagsasaluhan nating mga pinoy.

Banana Cue

Kapag hindi gaano mainit ang panahon ay ito ang mga pagkaing pang merienda ang hinahanap ng ating mga tyan.
Ang Banana cue ang isa sa pinaka popular na merienda sa pinas ang babana cue ay saging na niluto sa mantika  na may kasamang asukal para mas malasahan ang sarap nito. Hindi ka pinoy kung hindi mo pa ito  natitikman.

Kamote Cue

Katulad ng babana cue niluluto din to sa mantika na sinasamahan din ng asukal para mas lumabas ang sarap nito.  Madalas na magkasamang tinitinda ang banana cue at kamote cue sa kahit saan.

Turon

Isa ang turon sa paborito kong merienda dahil ang lasa ng wrapper na may asukal at saging ay swak na swak. Nakakagutom ang lutong ng wrapper na halos kakaahon lang sa mainit na mantika. Isa ito sa masasabing kong pinakamasarap na merienda na natikman ko.

   

At kapag napaka init na ng panahon at pumatak na ang summer eto ang mga merienda na maeenjoy mong kainin sa init ng panahon.

Halo-halo

Halo-halo ang pinaka sikat na pantanggal  uhaw ng karamihan satin di naman mapagkakaila na napaka sarap nito dahil nagaagaw ang tamis at magatas na lasa nito at ang lamig ay nakakawala talaga ng init. Madalas na sangkap sa halo-halo ay yelo, asukal, beans, nata, saging, pinipig, sago, gulaman, manga, langka at ube. May iba na nilalagyan din to ng ice cream o leche flan.

Saging con yelo

Isa rin ang saging con yelo sa sikat sa panlasa nating mga pinoy kahit na saging na pinakuluan sa asukal, yelo at gatas lamang ito ang sarap nito ay di biro at mabisa din itong pansala ng ating mga uhaw.

Sorbetes

Lahat tayo ay pamilyar dito similar lang ito sa ice cream ngunit Filipino style ang pagkakagawa, unang lumabas ang sorbetes noon pang 1920s at hanggang ngayon ay minamahal pa rin nating mga pinoy. Hanggang ngayon may makikita ka pa ring nagtitinda nito at kadalasan ay malapit sa mga eskwelahan. Swak din itong pantanggal ng init sa ating mga katawan.

At kapag malamig naman at tagulan narito ang ilang patok na merienda maeenjoy mo talaga.

Ginataang halo-halo

Isa ang ginataang halo halo sa patok na merienda kapag tagulan ang kadalasan na sangkap nito ay

Gata, tubig, asukal, galapong, sago, kamote, saging, langka at ube. Ang lasa ng pinagsama samang sangkap ang nagpalabas lalo ng sarap nito. Maiinitan na ang katawan mo mabubusog ka pa sa sarap nito.

Ginataang tutong/ mais

 Pareho lamang ang proseso ng dalawang ginataan na ito ngunit ang sarap ay magkaiba. Ang sangkap ng mais ay bigas na malagkit, gata, tubig, asukal, at ganun din ang sa ginataang tutong. Ang mga ito ang makakaalis ng lamig sa katawan nyo.

Sadyang likas na nga sa ating mga pinoy ang palakain.
Di na rin natin ito maiiwasan lalo na’t pag tayo’y puspusan sa pagaaral o subsob tayo sa trabaho, sa sobrang pagod na nararamdaman natin ay din na maiiwasang magutom para na din bumalik ang lakas na nawala sa magdamang pagkayod.  Basta lagi lang tatandaan na maghinay hinay lamang sa pagkain dahil lahat ng sobra ay nakakasama sa ating katawan.

Celina Suan ♥